NECS cup Inter Village football tournament a champion team Armed Veng chuan nimin khan an Champion lawm nan Pathian hnena lawmthusawina khawtlang huapin an nei. Champion lawmna inkhawm Armed YMA hall-ah neih hi Local Council Chairman Pu Vanthuama'n a kaihruaia, he hun hmanpuitu TT Royte Group, Chief Managing Director Pu Robert Romawia Royte, Aizawl District Football Association, President ni bawk chuan Central YMA-in Inter Village football tournament a lo buatsaih tawh thinah a sponsored tu ten an tih theih tak loh avangin Inter Village football tournament hi chawlhsan a ni a, ADFA te nen inbiakna kan neih hnuah tournament hi tan chhoh leh niin tun tum hi vawi thum kan neihna a ni ta a ni. ADFA te nena in biakna tha tak kan neih theih zel vangin he tournament pawh hi nakum lamah pawh chhunzawm leh tum a ni a, lawmman pawisafai pawh tam zawk dah tum a ni. Football hi inkhelhna satliah mai a ni lova eizawnna tlak infiamna a ni a ti. Armed Vengin hlawhtlinna chu players te in pekna le thawhrimna piah lamah khawlang tanrualna vanga chang a nih thu sawiin infiamiten nungchang mawi taka in elna neia fairplay award an dawng thei chu alawmpui thu Pu Roberta chuan a sawi bawk. NECS tum thum khelh tawhah Ramhlun South tum hnih champion tawhin tun tum a vawituhmna-ah hian Armed Veng in Ramhlun South hi Penalty hmangin an hneh a ni. Armed veng local council secretary Pu Moses Lalsangzuala kaihhruaiin players te chawimawina neih a ni a. Champon team Manager Laltha zuala an technical report pein Pu R.Lalzuiliana Local Counci member in lawmthusawina hun hmangin inkhawm hi a tin a. Champion lawm nan hian lawmmana an dawn Bawngpa chal talhin Armed khawltangin chhunah sawhchiar an pir a ni.