Arsenal chuan player 10-a khel Leeds United 2-1 a hnehin point thum hlu tak an hlawh chhuak. Top-four nia Chmapions League khel phak tura an elpui ber Tottenham Hotspur aiin point 4-in an sang rih a, tunkar tawp Zirtawpni khian Spurs mualah inkhelin an dinhmun tur a chiang thei thuak ang. Chaklo lam Leeds United erawh a hnuailam atanga chhiara pathumnaah an tla thla thung.

Pathianni zan inkhel-ah Gunners lam hian Eddie Nketiah-a hmangin minute 10 chhung lekin goal hnih an thun hman a, minute 26-naah Ayling chuan Red card a hmu hlauh bawk nen player 10-in Leeds lam hian an khel a, minute 4-na leh minute 9-naa Nketiah-a goal hnih chu point thum hmuh na turin an hum tluan thei a ni.  

Ayling chu Gabriel Martinelli-a lakah foul-in yellow card pek a ni a, VAR lama an ennawn leh hnuah Red Card phawrh a ni leh ta zawk. Luke Ayling-a hnawhchhuah a nih hnu player 10-a an khelh hnuah, Leeds hian game lamah harsatna an nei chho nghal a, an lamah goal luh belh chiah lo mahse goal thun erawh an tan thil harsa a ni. An vanneiha siamin minute 65-naah Diego Llorente hmangin goal an thun hlauh a, goal hinh erawh an rul zo hman ta lo thung.  

Tunah hian khelh 35 an khelh tawhah Arsenal hi pathumna Chelsea aiin point khat chiahin an hniam a, tun kar tawp inkhelha Spurs laka point thum an hlawh chhuak leh hlauh a nih phei chuan pathumna pawh an ni chho daih thei. 

Line-ups

Arsenal XI: Xhaka, Cedric, M.Elneny, Martin Odegaard, Holding, Tomiyasu, Gabriel, Ramsdale, Nketiah, Martinelli, Saka
Subs: Lacazette, Leno, Pepe, Smith Rowe, A. Lokonga, Nuno Tavares, Z. Swanson, C. Patino, Salah Oulad M'Hand

Leeds United XI: M. Klich, Ayling, D.Llorente, Daniel James, Koch, K. Phillips, Firpo, Raphinha, J. Harrison, Illan Meslier, Joe Gelhardt
Subs: Rodrigo, P. Struijk, K. Klaesson, Sam Greenwood, Jamie Shackleton, L. Bate, L. Hjelde, C. Cresswell, A. Gray