Tunah hian Premier League lamah pali-na nih inchuh a na hle a, khelh 34 khelh tawhin Arsenal chuan point 63 hmuin pali-na an ni mek a, an khelh zat chiah khel Tottenham chuan point 61 neiin 5-na an ni mek. Hetianga top-four inchuhna natak karah hian Jonathan Woodgate chuan Arsenal leh Tottenham tan Premier League pali-na nih hi champion tluk a lawmawm a ni thu a sawi.

Tunah hian khelh 4 an la hmabak a, palina dinhmun hi Manchester United tan pawh beiseina chhe te la awm mah se midang khelhah an innghah nasat em avangin palina chu an ni thei tawh lo tluka ngaih a ni. 

Arsenal leh Tottenham hi May ni 12 hian Arsenal lamin an mikhual dawn a, he match hian an dinhmun a hrilh thui hle dawn a, he match-a chak zawk zawk hi Premier League-a pali-na nih theihna chance tha tak an nei dawn a, pali-na zawk zawkin nakum season Champions League an khel ang. Club pahnih zingah hian pakhat zawk chiah pali-na an ni thei dawn a, game li chiah khelh tur a awm tawh bawk nen chetsual a thiang tawh lo.   

Arsenal hi tun dinhmunah chuan dinhmun tha zawk angin an lang a, mahse team pahnih hi an inhmachhawn dawn avangin an in draw a nih ngawt loh chuan a chak zawk zawk chan a tha tura ngaih a ni. He inkhelh pawimawh tak hi team pahnih tan Cup final khelh ang hial a ni dawn a, a chhan chu Arsenal leh Tottenham tan hian pali-na nih a season leha champions League khelh phak chu trophy chawi tluk hiala thil lawmawm a nih dawn vang a ni. Pathumnaa awm Chelsea hi an cheche chho zel a nih erawh chuan an pahnih hian an leh pel hlauh thei bawk.

Premier League-a club pathumte match khelh hmabak

                          Chelsea        Tottenham        Arsenal
Sat 7 May          Wolves (h)    Liverpool (a)    
Sun 8 May                                                      Leeds (h)
Wed 11 May     Leeds (a)        
Thu 12 May                           Arsenal (h)       Tottenham (a)
Sun 15 May                           Burnley (h)    
Mon 16 May                                                  Newcastle (a)
Thu 19 May    Leicester (h)        
Sun 22 May    Watford (h)    Norwich (a)    Everton (h)