ZALEN Feb 27, 2026: Animal Husbandry & Veterinary Department (AH&Vety) minister C Lalsawivunga'n African Swine Fever (ASF) vanga economic loss chu Rs. Vbc. 960 a tling tih house a hrilh.

Vawiin assembly budget session zawhna leh chhanna hunah memberte zawhna leh zawhbelhna te chhanga he thu hi sawiin, AH&Vety minister chuan, kumin 2026 chhungin ASF vangin vawk 6 an thi leh tawh tih a sawi. ASF vaccine India sawrkarin a la siam chhuak lo tih sawi bawkin, theihtawp chhuahin vaccine siam chhuah a nih theih nan tan lak reng a nih thu a sawi.

AH&Vety minister tarlan danin, kum 2021-2026 chhungin ASF vanga vawk thi 71,912 a awm a, suat (culled) 52,979 a awm bawk. Chhungkua 8,966 ten an tuar. Vawk suat bik zangnadawmna pek Rs. Nuai 3011.26 a tling tawh a, zangnadawmna hi central sawrkar leh state sawrkar 50:50 niin, tunah hian zangnadawmna pek leh tur Rs. Nuai 500 chuang beisei leh mek a ni.

#ZalenNews