February 16, 2023; Mizoramah kum 2021 leh 2022 chhungin African Swine Fever (ASF) vanga thi Vawk 70,147 awm mahse vanduaina/chhiat (calamity) a pawm a ni lo. Hetihlai hian Aizawl khawpuiin thla khatah chawhrualin vawksa quintal 12,450 (kg. 12,45,000) vel ei ral anga chhut a ni. 

Assembly Session neih mek a, Serchhip bialtu MLA Lalduhoma zawhna, AH&Vety minister Er. Lalrinawma'n ziaka a chhan danin, 1st Wave (2021) ah vawk suat 12,568 a awm a, 2nd Wave (2022) ah 11,594, a vaiin 24,162 a awm. 

ASF vanga vawk thi zat chu 1st Wave (2021) 33,417, 2nd Wave (2022) ah 12,568, a vaiin 45,985 a awm. ASF vanga vawk thi (suat telin)  zawng zawng chu 70,147 zet a tling.

ASF vanga vawk thi neitu, tanpuina dawng chhungkua 2,488 an awm a, Vawk suat a dawn zat chu Rs. Nuai 1018.42 niin, Feed Compensation Rs. Nuai 121.52 a ni. African Swine Fever (ASF) chu Mizoram sawrkarin calamity ah a pawm lo a, hetihlai hian Aizawl khawpuiin thla khatah chawhrualin vawksa 12,450 quintal vel an eiral anga chhut a ni.