ZALEN, Nov. 19, 2024: Asian Men & Women 10 Ball Championship 2024-ah Lalrina Renthlei chu India aiawh tel tura thlan a ni.

Asian 10 Ball Pool Championship 2024 hi Qatar, Doha khawpuiah December 15 atanga khelh tan tur a ni a, ni nga chhung khelh tur a ni a, mipa bik hi December 18-ah zawh a ni ang.

India aiawh tura Lalrina thlan a nih thu hi Thawhlehni khan Billiards & Snooker Federation of India (BSFI) Secretary General Sunil Bajaj chuan Mizoram Snooker & Billiards Association (MSBA) a hriattir a ni.

Lalrina hi pool leh snooker-ah Mizoram No. 1 a lo ni fo tawh a, national championship hrang hrangah Mizoram ai a lo awh fo tawh bakah kumin June thla khan Maldives Open 2024 10 Ball Pool Championship-ah India aiawhin a lo inlan tawh a, August thla khan JOY Heyball International Open Thailand Stop 2024-ah a lo inlan tawh bawk.