Assam lam mi kut atangin Zote-ah Heroin Hawng 50 man || Kuminah ruihhlo vangin mi 21 thi tawh

ZALEN May 21, 2026: Excise & Narcotics Department leh 14th Bn. Assam Rifles te thawkdun chuan tukin zing dar 1:30 khan Zote By-Pass Road, Champhai District-ah Heroin 620 grams & 410 mgs (Hawng 50) leh a neitu nia puh – Jaydanamul Barbhuiya (28) s/o Nassir Uddin Barbhuiya, Lokanathpur, Cachar District, Assam-a khawsa nia inchhal an man.

Heroin te hi Myanmar atanga lokal, Assam-a tihral tura ruahman a ni. Heroin phurhna atana hman TATA Truck (Regn No AS01MC-7551) pawh hrensak nghal a ni. Heroin vanga man hi Section 21(c) of The Narcotic Drugs & Psychotropic Substances Act, 1985 (NDPS Act) hmangin thubuai siamsak a ni a, District & Sessions Court, Champhai-ah hruai nghal a ni. Court-ah thiamloh a chang a nih chuan Kum 10 atanga kum 20 Jail tang tur leh pawisa Cheng Nuai 1 atanga cheng Nuai 2 thleng chawi bawk tura hrem theih a ni ang.

Kumin, 2026 (January – May) chhung hian Ruihhlo vanga nunna chan mi 21 (Mipa 18 leh Hmeichhia 3) chhinchhiah tawh an ni bawk.

Kum 2026 chhungin Excise & Narcotics Department chuan hetiang hian zu leh ruihhlo leh a kaihhnawih an man tawh a ni:

Particulars UNIT Quantity

Rakzu - litre 27,842.344

Fermented Rice / Zu bilh lai - Tin 55,938

Pot (Zu siamna bungbel) - no 1,374

Yeast (Dawidim) - Kg 38.700

IMFL - litre 11,542.075

Beer - litre 14,512.110

FML - litre 25.850

BEDC - litre 254.800

Particulars UNIT Quantity