Aizawl: Nimin khan Silchar airport-ah Satyendra Garg, Joint Secretary Ministry of Home Affairs hovin inner line reserve forest chungchangah Mizoram leh Assam sawrkar aiawhte an inbia a, inremna awm lovin an inthen leh hrih. Thudawn danin Assam lamin sq.mile 509 a zau inner line reserve hi Survey of India-in en tha leh se an ti a, a endik tanna hmun tura an rawt pawh Mizoram aiawhte hian an pawm thei lo va. State thuneitu sangte rawnin naktip Thawhlehniah inngaihchan leh nise tiin an tin rih.