October 3, 2022; Bairabi Joint VC leh All NGO'S meeting vawiin a thukhawm chuan Assam sawrkarin Pu Ch. Chhunga leilet kama buk an rawn sak chungchangah Joint Resolution siamin, Mizoram sawrkar chu Mualkhang Tlang (Baibun tlang) a Assam Police ten Camp an neihna bul ah MAP camp sa ve turin an phut.

Bairabi Joint VC leh All NGO's meeting Joint Resolution:

• Dt. 2.10. 2022 a Assam sawrkar in Pu Ch.Chhunga leilet kam a  Buk an rawn sak chungchang ah Mizoram Sawrkar - CM, Home Minister leh Pu K Lalrinliana, Bialtu Minister te hmalakna a Assam Sawrkar in an thiat fel ta hi lawmawm kan ti hle a ni.
       Tin, ramri chungchang ah  Sawrkar hmalakna hi Joint Meeting chuan a thlawp tlat zel dawn a ni.
• Mizoram Sawrkar hian Mualkhang Tlang (Baibun tlang) a Assam Police ten Camp an neihna bul ah hian MAP Camp sa ve ngei rawh se.
• Assam nena kan ramri hrul a development kal mek chi hrang hrang te hi rang taka puitlin anih theih Sawrkar hian hma la rawh se.
• Ramri a awm kan nih avangin ramri buaina ah Joint VC, Bairabi leh All NGO's ten lungrual taka hmalak zel thin nise kan ti a.
     Joint VC, Bairabi leh All NGO's te hriatpuina lo chuan Bairabi ah ramri issue, a awmin hmun dang atanga a hran a hmalak kan remti lo a. Joint VC leh All NGO's te hmalakna tawiawm mai tura ngen leh hriattir an ni.
• Ramri issue reng reng ah force lam te hi mipui (Civilian) hma ah a rang lamin che chhuak thin tawh rawh se.