ZALEN June 19, 2024; Vathuampui Joint NGO chuan, an VCP hmusit tak leh dik lo taka man tumtu, Parva a awm Assam Rifles Major Harsimrap Singh chu suspend turin thuneitute an ngen.

Thuchhuah an siama an tarlan danin, June ni 17, 2024 tlai lam dar 4 khan Parva a awm AR Major Harsimrap Singh leh a hote chuan Bangladesh refufee chungchangah C. Lalvanthanga, Vathuampui VC hmuin, tha takin a lo dawngsawng a.

May ni 19, 2024 a regfugee lo lut thar te video cover chungchangah VCP chu ngenin, an ngen angin video cover pawh siam a ni.

AR te hian an tih tur an tih zawh hnuah haw ve nghal mai tura ngaih an nih laiin, video cover chu ti tha leh turin VCP an ngen leh a, hei hi VCP chuan duh lovin tawngkam mawi lo leh hmusit taka tawngkhumin man tumin a phone te pawh an laksak a, VCP hian theihtawp chhuah ve in phonee a chhuhsak ve leh bawk.

He thil thleng chungchangah hian Vathuampui Joint NGO chuan emergency ko nghalin, hetiang hian resolution an siam :

1. Pu C. Lalvuanthanga, Vathuampui VCP hmusit tak leh dik lo taka man tumtu AR te hi kan dem tak zet a, he thil thenga mawhphurtu Major Harsimrap Singh hi thuneitu ten a rang thei ang bera suspend turin kan ngen.

2. He thil thleng hi VCP hmuhsitna mai ni lovin Vathuampui khua hmuhsitnaah Joint NGO chuan a ngai a, kan unau (Bangladesh refugee) te hi theihtawp chhuahin a lo buaipui tawh thin a, tun thlengin theihtawp a chhuah mek bawk. Tun hnuah hetiang thil hi thleng tawh lo se Vathuampui Joint NGO chuan a duh a ni.

Vathuampui Joint NGGO thuchhuah siamah hiam MHIP, Young Lai Associatioan, YMA leh Lai Women Association aiawh ten hming an ziak.