ZALEN April 23, 2026 :Mizo Zirlai Pawl (MZP) leh 34th Assam Rifles ṭangkawp buatsaihin April ni 17 & 18, 2026 chhung khan Zokhawsang, Aizawlah Youth Adventure Camp neih a ni.

He camp-ah hian school 6 aṭangin zirlai 20 an tel a, Camp chhung hian Drug Awareness Campaign, Pipe Band Display, Camp out na a Puan in kaih, Jazz Band te nen a zai ho, Run for fun, Rapelling, Self Cooking, Basketball Match neih pui an ni.

MZP President Dr C Lalremruata chuan "Zirlai Youth Adventure Camp a tel te chu ruihhlo hrang hrang laka fihlim turin a chah a. Tuna 1st Batch te chu he Youth Adventure Camp a Ambassador an ni tih hre reng tur leh Camp aṭanga an zir chhuah thil hrang hrang te chu zirlai dangte bula hlan chhawng turin a chah a, hun lo kal leh zel turah pawh hetiang camp hi kan buatsaih zel dawn a ni" a ti.

34th Assam Rifles Commandant Col Kulbhushan Singh pawhin thu sawiin, zirlaite chu an zirna kawngah theih tawp chhuah turin leh Mizoram tana ram hruaitu tur an nih hre reng turin a chah bakah, Zirlai chu ruihhlo laka fihlim turin a chah bawk a ni.

School camp-a tel te chu:-

1. Kids Care School 

2. Gov't Chaltlang H/S

3. Gov't JL H/S

4. Gov't Bethlehem Vengthlang H/S

5. Lengte Secondary School 

6. Solomon's H/S

Camp a tel zirlaite chuan an hlawkpui zia leh 34 Assam Rifles-in Activities hrang hrang an tihpui te chu nuam an tih hle tih MZP hruaitute an hrilh a ni.