June 4,2024; Centre for Environment & Social Justice (CESJ) in Assembly speaker bungalow a thingkih a nih chungchang a hmala tura ngenna forest department ah an thlen.

Divisional Forest Officer hnen a ngenna an thlen a an tarlan danin, Assembly speaker bungalow a thingkung kih fai deuh vek a ni chu CESJ chuan a hremthiam lo hle a, sawrkar hmun pawimawh a thingkung kih a nih chhan leh thingkih phalna pek an nih leh nih loh an hrechiang duh tih an tarlang.

Phalna pek an ni emaw nilo emaw, thing leh mau humhalh kawnga hmala tur ber sawrkar a nih laia sawrkar hmun pawimawha thingkung kih a nih chungchang chu chhui chian sak a, a tul anga action la ngei turin ngenna hi an thlen a, hmalakna a awm lo a nih chuan PIL file turin leh EF&CC department mawhphurhna a nih anga na zawka action lak a nih theih nan khin tel an ngaih tur thu an tarlang.

CESJ hian an ngenna hi vawiin (4.6.24) hian an thlen a, an pawl president leh general secretary ten hming an ziak.