Aizawl: Nimin zing dar 2:50 vel khan Republic Veng, Kawipui chhaka NCR Corporation India Pvt Ltd ATM booth, SBI in an hman mek chu tukin zing dar 2:50 bawr vel khan gelatin bomb nia hriata tih puah a ni a. Zing dar 3:00 ah Aizawl Police station ah report nghal a ni.

FSL team ten a hmun hi uluk takin an endik nghal bawk a ni. ATM booth hi a bang leh ceiling te a chhe vek a, ATM machine pawh a chhe nual a, mahse, a pawisa dah na ber a vault chu chhe lovin,pawisa bo a awmlo thung.

ATM booth tih puah na hmunah hian Police ten awmchilh reng in, Police te chuan an ngaih thutak thu leh pawikhawih tu an zawnchhuah hma chu hma an lak tur thu leh Special investigation team din nghal an tum thu an sawi a, A bul hnai bawr a awm te chu an CCTV te lo en theuh a,  thil thlen hunlai a information pawimawh nei leh pawkhawihtu manchhuah theih na tura information pawimawh police te hnena  pe tu chu Rs.20,000/- (Singhnih) thleng lawmman an pek tur thu leh information pe tu hming chu thup tlat ani dawn a ni an ti.

He chhiatawhna hmunah hian south 1 bialtu MLA C.Lalsawivunga pawhin tlawh nghal in, pawikhawih tu chu a rang thei ang bera hriat chhuah vat annih theih nan mipui te chu police te  hmalak na kawngah tawiawm vek turin a sawm nghal bawk.