Zanin atang hian mipa tennis khel thiam zual pariat ten ATP Final 2021 inchuhin Turin-ah an khel tan dawn. He inelna turah hian world number 1 Novak Djokovic chuan ATP Final title parukna la ngei tura thawh chhuah a tum thu a sawi. Player ropui pahnih Roger Federer leh Rafael Nadal te tluk chiahin Grand Slam 20-na la hlim Djokovic hian Roger tluk tumin theih tawp a chhuah tur thu a sawi. 

Serbia mi Djokovic, kum 34 hian kum 2015 khan he title hi a la ve tan a, Grand Slam khelh hnuhnung ber US Open-ah khan a tel loh vangin inpuahchahna hun tha a neih thu sawiin, "Season tha taka ka khar theih nan chawlh lawk kha ka mamawh a ni," a ti.  

Hliam vangin player ropui pahnih Roger Federer leh Rafael Nadal te an tel dawn lova, season hmasa lama hliam Novak Djokovic a inlam thung ang. Djokovic chuan,"Nikum lamah tournament ka khel tam lova, mahse ka khelh chhunah pawh ka chau thei em em a, a bikin Grand Slam kan khelin. Ka chau ka tih hian ka taksa mai nilovin ka rilru ngaihtuahna thlengin a chau a ni.  Player te hi group hnih green leh red-ah inthen a. 

Green Group
Novak Djokovic (Srb) [1]
Stefanos Tsitsipas (Gre) [4]
Andrey Rublev (Rus) [5]
Casper Ruud (Nor) [8] 

Red Group 
Daniil Medvedev (Rus) [2]
Alexander Zverev (Ger) [3]
Matteo Berrettini (Ita) [6]
Hubert Hurkacz (Pol) [7]