Aizawl May 11, 2023 : All Tribal Students' Union of Manipur (ATSUM) chuan thuchhuah siamin, 'Tribal Solidarity March' huaihawt a nih hnua Manipur-a buaina thleng chungchang sawifiah an duh thu leh national media lama tan bik nei taka thil chhuah chu an dem thu an tarlang. 

ATSUM te chuan internet tihtawp a nih avangin tribal te tawrhna dik tak hi a hunlaiin tarlan theih a ni lo an ti a, ruahmanna awmsa hnuaia tribal beihna hi khawvel mit hmuhah tarlan a ni lo, an ti. Tribal mi te tawrhna leh nghaisakna hi mihring tam zawkin an thunun electronic leh print media-ah te a ni lo zawnga tarlan niin an sawi. He tharum thawhna avang hian mi tam takin nunna an chan a, ram pawn media leh press ten he thil hi a nihna dik tak an hriat tul an ti. Tun dinhmunah Biak In 222 tihchhiat a ni an ti a, heng zingah hian Imphal phairuam-a Meitei Christian Biakin 150 pawh hal leh tihchhiat zingah hian a tel tih an sawi bawk. 

ATSUM chuan May 3, 2023 khan democracy kalphung ang takin remna hnuaiah Tribal Solidarity March chu a huaihawt a, hei hi Meitei/Meetei ten Scheduled Tribe list of Constitution hnuaia tribal nih tuma registration neih an tum duh loh lantirna a ni. He rally-ah hian “Come, let us reason together” tih chu theme atan hman a ni a, hei hi Manipur High Court-in Meitei/Meetei te ST list-a awm tura recomment an siam democracy kalphung ang taka an duh lohna a lantirna a ni. 

May 2, 2023 zan Dar 6 vel khan Meitei Leepun te chuan democratic taka tribal ten rally an siam chu tibuaiin kawng leh highway-ah te 'Counter Blackade' tlangram chinah a kalpui a, ATSUM chuan hetiang bandh leh blockade hi a siam lo hrim hrim a ni. Tribal tam tak chuan hetianga inthamlohna Meitei Leepun ten lantir a, tribal community tum bik a nei chu an dem tih an tarlang. 

ATSUM chuan rally hi ralmuang taka kalpui a ni, an ti a, tribal te chuan President of India hnenah leh District tina Deputy Commissioner te hnenah memorandum an thehlut a, Dar 12:30-ah an tin tih an sawi. Chawhnu dar 2:00 velah Meitei volunteer te chuan Centenary Gate, Leisang, Churachanpur-ah kangmei rawn tichhuakin rally-a tel, Kangvai-a haw tur te chu kut an thlak bawk a ni. Churachanpur-a tribal Kangvai-a lungawi lohna lantir leh Meitei Volunteer te inkarah chuan tharum thawhna a chhuak a, Kangvai-a an inbeihna hun hi tlai dar 4:00 vel a ni, Torbung leh Kangvai-a In te chu hal a ni zui ta a ni, " an ti. 

Tribal Zirlai te chuan, Kangvai-a tharum thawhna a chhuah hnu hian Arambai Tenggol kaihhruai mipui te chuan Kuki te chu Imphal bakah tlangram thut chin thingtlang lamah tharum thawhna an kalpui zui ta a ni, tiin, "A hmasa berin Biak In beih a ni a, chutah mimal In beih zui a ni a, In te chu a kang ta duai duai mai a ni. Thingtlang khua te chu rauhsan zui a ni. Kuki te chu nasa taka nghaisak niin thah an ni bawk. Kohhran quarter hal loh te chu rawk zui an ni a, Sum leh pai bakah tlereuh an hmuh ang ang te chu an la zui bawk a, Inchhung bungraw hlu tak tak te chu ruk a ni," an ti.

ATSUM te chuan hetianga tharum thawhna hi ven theih a nih laiin sawrkar lam hi an inrawh lo a, buaina meipui tih chimih aiin Sawrkar hian ngawih a thlang zawk an tih a. State sawrkar hian mipui thunun aiin tih huaisar an thlang zawk a ni, an ti. 

Mipui te hi state force te chuan an hnung an dawl zawk a, tribal mite tan chuan inven ngaihna a awm lo. State sawrkar hi he thilah hian a ni hmasabera thil thleng atang hian mawh la tur nia an hriat thu Tribal zirlai te chuan an thuchhuah-ah hian an tarlang. 

ATSUM chuan Manipur-a tribal te chu tun hunah hian an tanrual a ngai an ti a, tribal mipui te lungrual taka an awm chu a pawimawh ber nia an hriat thu an sawi. Dik lo taka thil ti tu te chu na taka do let a ngaih thu an sawi a, ram chhunga tharum thawhna tihtawp chu an tum berah neih a tul tih an sawi bawk.