ZALEN Aug. 4, 2024; Aizawl Two Wheeler Taxi Association (ATTA) in taxi rider dawta puh hmingchhiat a ni tih an sawi.

ATTA-in thuchhuah an siama an tarlan danin, July ni 30, 2024, Thawhlehni khan Aizawl police station-ah hmeichhe pakhatin, Two Wheeler Taxi rider pakhatin ka duhlo chung ramhnuaiah min hruaia, min chetsualpui tiin FIR a thehlut a, he thu hi police ten chhuizui nghalin, a titu chhuichhuah a ni a, he thil a FIR thehluttu-in thil tisualtua a puh Two Wheeler Taxi rider hian thiamlohna a neiloa, in hnamhnawihna a neilo.

Two Wheeler Taxi Rider hian a pasenger duhna hmun thlenpuiin a kalsan a, hemi hnu hian midangin he hmeichhia hi lo hruaiin hun an hmang zawk a ni tih hi police te hnuchhuina atangin hriatfiah a ni.

"Hetiang thil thalo tihna-ah hian Aizawl Two Wheeler Taxi Association member-te chuan inhnamhnawihna an neilova, hetianga thu dik tawklo hmang a inpuh hmingchhiatna hi thleng tawhlo se kan duh takzet," an ti bawk.