Tun hnaia talbuai ve deuh Arsenal striker Pierre-Emerick Aubameyang chu club lian tak pahnih chuan loan-a lakluh an duh thu an sawi. Chung club pahnih chu Juventus leh Barcelona- te an ni. 

Gabon striker hi Arsenal-ah hian a hlim vak lo niin a hriat a, club lam pawhin an striker hi chhuah tir an hreh hran lo. Amah Aubameyang pawh hian chhuah a duh a, mahse inremna siampui tak Arsenal hian an nei rih lo.

Arsenal lamah hian Aubameyang hian a hlawh tam ang reng hle a, kar khatah pound 350,000 lai a hlawh mek avangin amah duhtu club lian pahnih Juventus leh Barcelona-te tan pawh thu tlukna siam mai a harsa niin a lang.

Amah dawrtu Saudi Arabian club pahnih Al Nassr leh Al Hilal te erawh Aubameyang  hian a hnawl rih a ni.