Mizo ten reality Show kan neih zinga lawm hlawh leh ngaihhlut ber zinga mi LPS Comedian Search chu August 17 hian tan a ni leh dawn ta. A khuhhawnna pawh neih leh tawh niin, inbuatsaihnain a vawr tawp a thleng chho mek. 

LPS Comedian Search 2023 hi a season 15-na tur a ni tawh a, bul an tan chauh emaw tih chhungin kum tam a lo vei der tawh mai. Bul an tan tirh laia piangte pawh tunah chuan nula tlangval an ni chho der tawh tihna a nih chu!

LPS Comedian Search Season 15 hi kum 2022 lama lo host tawhtu Ramhlun Venglai nula Lalrinpuii Kawlni chuan a host leh dawn a ni. Rinpui hi show en tinuamtu a ni leh dawn a, a lakah mipui beisei a sang a nih pawhin a mak lo ang. He show hi hriat hlawh zui tak tak - Baryl Vanneihsangi Tlau, Marylin leh Sally Hrahsel te pawhin an lo host tawh a ni. 

Kuminah hian judge hmel thar kan hmu dawn bawk a, a vawi khat nan thu ziak thiam hmingthang Darrokima chu endiktu zingaha  tel dawn a ni - show tingaihnawmtu tur zinga mi a ni ngei ang.