Aizawl; Mizoram Pollution Control Board (MPCB) chuan August 2014 chhung hian Aizawl khawpui chhunga damdawiin te chu an bawlhhlawh sawngbawl dan a him, tawk leh him tawkloh enfiah vek dawn. Mizoram Pollution Control Board hian Aizawl khawpui chhunga damdawi In 14 awmah 10 chu an enfiah tawh a, heng enfiah tawh zingah hian an bawlhhlawh sawngbawl danah titha tak tak an awm laiin damdawiin thenkhat dan zawmlo an awm bawk a, heng mite lakah hian Board member te chu an lungawi vak loh nia thudawn a ni. Mizoram Pollution Control Board hian damdawiin hrang hrang te hi bawlhhlawh (waste) an sawngbawl danah dan an zawm em? Bawlhhlawh bawm hrang hrang (colour coding) an hmang tha em? tih leh tuldangte an enfiah a, danin a phut anga thil ti lo te chu insiamtha tura hun pek a, hei hi an zawmlo anih chuan damdawiin khar thlenga hmalak an tum nia thudawn a ni.