Australian Open an inchingfel chho zel
![](/storage/news/post/vlbRe45SnPxfSQ0AopuZJTykdFCuUvTwBIGVGHZI.jpg)
Australian Open: Daniil Medvedev leh Stefanos Tsitsipas ten 4th round an lut
Melbourne Park-a khelh mek Australian Open-ah Russian world number 2 Daniil Medvedev chuan straight-set in Dutch pa Botic van de Zandschulp hnehin 4th round a lut. Nikum finalist hian hahdam takin 6-4 6-4 6-2 in a khingpui world number 57 hi Margaret Court Arena-ah a hneh. US Open champion hian last 16-ah Australian Christopher O'Connell hnehtu American Maxime Cressy a hmachhawn ang.
Greek mi seeded 4-na Stefanos Tsitsipas pawhin harsa takin Benoit Paire hnehin 4th round a lut. Kum 23 mi Tsitsipas hian French pa Paire ranked 56-na chu 6-3 7-5 6-7 (2-7) 6-4 in a hneh. Semi-final tum hnih lut tawh hian American seeded 20-na Taylor Fritz chu quarter-final ah a hmachhawn ang. Fritz hian seeded 15-na Spanish Roberto Bautista Agut chu set nga khelhah a hneh hram a ni.
Aryna Sabalenka leh Simona Halep te an chak
Hmeichhe lamah seeded pahnihna Aryna Sabalenka chuan Marketa Vondrousova hnehin Australian Open fourth round a lut a, Belarusian hian a tum khat nan Melbourne Park-ah semi-final luh tumin Australian wildcard Maddison Inglis 2-6 6-2 6-0 a hnehtu Kaia Kanepi a hmachhawn ang. Sabalenka hian Czech mi seede 31-na hi 4-6 6-3 6-1 in a lehthal a ni.
Simona Halep chuan a chungnunna chhunzawm zel rihin awlsam ang reng takin Danka Kovinic 6-2 6-1 a hneh.
Sabalenka hian nikum khan Wimbledon leh US Open semi-final a lut nghe nghe. Service lamah buaina tawk deuhin kumin chhunga match li a khelh tawhah double fault 70 a nei tawh a, tun tuma a chak pawh hian court chhungah fiamthuin,"Double fault 10 chauh ka neih vangin ka lawm tak zet a ni," a ti.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024