Australian Open khelh an phal loh Djokovic-a Wimbledon-ah champion
![](/storage/news/post/VR5Ye36avcrVtNYH5RiQCD3dj8Vg9yt7mQNJkEmJ.jpg)
Novak Djokovic chuan Wimbledon-a a zawna a tum li nan leh a vawi sarih na turin harsa takin Australian Nick Kyrgios lakah a title a hum.
Djokovic hian set hmasa ber hloh-in Nick Kyrgios chu 4-6 6-3 6-4 7-6 (7-3) in a hneh hram a, nikum Wimbledon a champion hnua Grand Slam title a lak lehna hmasa ber a ni nghe nghe.
Serb mi Djokovic hi kum tir January thlaa khelh Australian Open kha covid vaccine a lak duh loh vangin khelh an rem tih sak lo va, buaina pawh a tawh phah nual a nih kha.
Grass chunga khelh Wimbledon-ah hian Djokovic hi vawi 7 champion tawhin 2011, 2014, 2015, 2018, 2019, 2021 leh 2022 ah te a champion a, champion tam ber pahnihna hauhtu Sampras-a nih rual chiahin vawi 8 champion tawh Roger Federer chiah a la phak lo. Mipa singles bikah Grand Slam 21 la tawh bawkin 20 latu Federer a kalsan a, 22 chawi tawhtu Rafael Nadal chu pakhata la phak lovin a um mek.
A champion hnuah Djokovic chuan a nunah Wimbledon hian hmun pawimawh tak a chan thu a sawi a, kum bul hrehawm tak a tan avangin a rilru leh taksaah nghawng nasa tak a neih thu a sawi bawk. Covid-19 vaccine a lak duh loh vangin vawi 9 a champion tawhna Australian Open-ah khelh an remti lo va, United State-ah tournament a khelh loh phah bawk. thla hmasa khan French Open, quarter-final-ah Rafael Nadal-a lak a tlawm thung.
Title a hum haw chung hian Djokovic hi world ranking-ah number 3 atangin 7-naah a tla thla a, point tam zawk hmuh belh tura beih a tum thu a sawi lang bawk. Kum hnih chhung zet chu thil a inthlak danglam a, chumi tuartu zingah chuan amah ngei pawh a tel thu a sawi a, mahse a nunah thil ropui leh hlu tak tak tawng tawhin world number 1 nirei thei ber a nite chu chhinchhiah tlak hlea a ngaih thu a sawi bawk.
Wimbledon 2022-a champion te:
Men's singles
Novak Djokovic (Serbia)
Women's singles
Elena Rybakina (Kazakhstan)
Men's doubles
Matthew Ebden (Australia) leh Max Purcell (Australia)
Women's doubles
Barbora Krejčíková (Czech Republic) leh Kateřina Siniaková (Czech Republic)
Mixed doubles
Neal Skupski (Britain) leh Desirae Krawczyk (USA)
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024