ZALEN March 31, 2027: C Thanchunga (67), Siahatla chu nimin chawhnu dar 1:30 vel khan Siaha damdawi In tlang kawng chhuka a tlan lai chau thutin, tui luankawrah tlan lutin tlai dar 2.45 velah a thi a, vawiin, March ni 31, 2026 chhun dar 11:30 khan vui a ni.

Thu lakna in a tarlan danin, C Thanchunga hian chawhma lamah a motor brake ṭhalo a siam tir a, chawhnu lamah service in a tlan chhuak a. Damdawi In tlang kawng chhuka muang changa a tlan thla chu tuiluankawrah a tla lut a, a bul hnaia awm ten bawihsâwm nghalin, a lo che thei tawh lo a, damdawi in thlenpui hnu ah a boral zui a ni. 

A motor hi enfiah zui a ni a, brake pawh a ṭha vek tih finfiah a ni a, tuiluankawra a tlak pawh hian tlemte a râng ve deuh tih loh chu chhia a awm lo a, a taksa pawn lam lang theiah han thihpui tham tur hliam hmuh a nilo bawk niin thudawnna chuan a sawi. Amah hi luhai/BP sang nei ve thin nia hriat a ni.

#ZalenNews