ZALEN Dec. 16, 2025: Tun thla ni 5 a Lawngtlai Auto Rickshaw Owner's Association ten Riangvaite puala Charity Service an neih a an pawisa hmuhchhuah Rs.2,40,000/- (Nuai 2 sing 4) chu vawiin khan an semchhuak.

Lawngtlai Auto Rickshaw Owner's Association Office, Bazar Veng Lawngtlaia an hun hman ah, an Association President C Zathianga chuan chanhai, riangvaite tan an a huhova Nikhat an Service thin chu a tum thumna a nih thu leh, a kumtelin an pawisa hmuhchhuah pawh a tam chhoh thu a sawia, inphal taka midang ṭanpui nana thilpek petu mipui chungah an Association chu an lawm hle a ti.

He huna tel Veng hrang hrang aiawhte chuan Lawngtlai Auto Rickshaw Owner's Association ten chanhai zawkte tana theihtawp an chhuah thin chu lawmawm an tih thu an sawi.

Vawiin a tanpuina semchhuah hi Lawngtlai khawpui chhunga Veng 12 bakah Thingfal a tel a, heng Veng leh khua a Tlawmngaipawl hruaitute chu an huamchhunga chhungkua pathum theuh hnen ah Rs. 5000/- theuh a an hlan tur semchhuah a ni a, hei bakah hian Lawngtlai Auto Rickshaw Owner's Association member, tanpui ngai zual mi pahnih hnen ah hlan an nih bak ah, Lairam Motherless Home leh Lawngtlai a Damdawiin pathum, District Hospital, Lairam Christian Medical Centre leh Christian Hospital ah te Association hruaitute hian kalchilhin thilpek an hlan bawk.

Tun dinhmun ah Lawngtlai Auto Rickshaw Owner's Association ah hian Member 280 vel an awm mek.

#ZalenNews