April 14, 2024; Vawiin tlai dar 3:30 bawr vel khan Seling atanga Thingsulthliah pan mi pali chuanna, Autorickshaw chu Thingsulthliah khaw chhung ah a chesual a, Seling mi vek mi pathum an boral.

Seling atanga ZALEN thudawn danin, Autorickshaw chesualah hian mi pali an chuang a, an zinga mi pathumte chu an chetsualna hmun ah an boral a, midang pakhat F. Lalrohluni, kum 56 mi chuan hliam tuarin, Aizawl panpui a ni.

Autorickshaw hi Seling atanga Thingsulthliah pan niin, an chetsualna lai hi Thingsulthliah khaw chhung inkalpawhna kawngpui, chenna in awm lohna lai niin, break fail vangin kawng thlangah an tlan liam a ni. An chetsual thu hi Thingsulthliah mi thenkhatten hriain, Seling lam an hriattir a, a theih ang angin chhanchhuah hna thawh nghal a ni.

Thudawn danin, Autorickshaw chesual a chuang te hi Thingsulthliah a tawngtai a rawngbawlna kalpui pan tum an ni.

Nunna chante hi Thingsulthliah damdawiin ah postmortem tura lak an ni a, zaninah Seling VC house ah lumen an ni ang a, naktuk ah vui an ni ang.

Autorickshaw chesual a thi te :- 

1. Pu Lalhmingthanga (68) S/o Sangkhuma (L) - driver

2. Pi Luahkimi (54) W/o Thanzauva

3. Nl. C.Rohlupuii(69), Pu Vanlalngaia farnu te an ni a, Seling vek an ni.