Avril Lavigne leh a bialpa Mod Sun te chu an inthen tih khawthang media ten an tarlang a, inhualna an lo neih tawh pawh a tawp ve nghal. Kum khat dawn liam ta khan an lo inhual tawh a, mahse a tak ram a chan hmain a tham ral leh ta zawk a ni. 

Canadian singer Avril Lavigne leh American rapper Mod Sun te hi tun hnai thla hnih chhung vel kha chu an inkar a tha lo hle niin an tarlang a, a tawpah chuan an inthen ta nge nge a ni. Mod Sun hian Avril nen hian an khawsak dun thu leh an inhual thu Billboard a lo hrilh tawh a ni. 

Avril Lavigne leh Mod Sun te hian 'Flames' music video an tichhuak a, heta tang hian an inzui chho ta a ni. 'Girlfriend' singer Avril chuan April 2022 khan Mod Sun nen an inhual tih a sawi a, an inhual thu hi Instagram lamah a tarlang nghe nghe. Eiffel Tower kiangah an inhual a, an thlalak pawh hmuh tur a awm a ni - mahse rei daih loin an inthen leh ta nge nge e.