Tyga leh Avril Lavigne te inkar sawi neuh neuh awm chu nemngheh a ni ta a, an in 'date' ngei e. American rapper Tyga leh punk-pop star Avril te hian tun hnai khan Paris Fashion Week an chhim dun a, an in 'muah' lai thlalak hmuh tur a awm tlat mai. 

Avril leh Tyga te hi Mugler X Hunter Schafer Party-ah an tel dun a, an hlim dun viau a ni awm e. Hemi hma pawh hian Nobu restaurant,Malibu, California-ah hmuh dun an ni bawk a, an inkar boruak zep an tum lem lo niin a lang. 

Avril hi Mod Sun nena inthen hlim a ni a, a khawhar lai takin Tyga a rawn inlar. Hei hi a hnar phal bik lo niin a lang a, hmangngaihna par tlanin an leng dun ta a ni - eng chen nge an hlim dun ang tih erawh ngaihtuah ngai tak a ni. 

Avril leh Mod Sun te hi April 2022 khan an lo inhual tawh a, an inthen rual hian an inhualna pawh hi an titawp zui nghal a ni. Nula senior Avril hian upat hnu lamah hmangaihtu tak tak a tawng ang em, Tyga nen an inkar hi media te chaw tui ber pakhat a ni mek e.