India hmarchhak pum huapa rual û zawk (veteran)-te tana badminton inelnaah Mizo shuttler-te chu champion an ni a, medal pasarih lain hengah hian gold pawh pali a tel.

Zirtawpni atanga Guwahati, Assam-a Yonex Sunrise 8th North East Veteran Badminton Tournament-ah Mizoram aiawha khel player-te hian gold medal pali bakah hian event pahnihah silver leh bronze medal an la a. Medal dawng hnem ber niin pakhatna an ni.

Tournament-ah hian Mizoram Police Badminton Club player pahnih, Lalmuanawma leh Samuel Lalnunmawia te chu category pahnihah ve ve an champion nghe nghe a ni.

Mizoram Badminton Association (MBA) chuan state pawna Mizoram tihmingthatute hi a chhuangin, an hma hun kal zel atan duhsakna sang ber a hlan tih an sawi.

Assam Seniors Badminton Club buatsaih inelna hi DTRP Indoor Stadium, Nehru Sports Complex Stadium, Ulubari, Guwahati-ah khelh niin hmarchhak state hrang hrang atangin kum 35 chung lamte an inlan a. Lawmman atan pawh Rs. nuai 4.20 sem ral a ni.

Medal late (an kum belhkhawm category):

GOLD MEDAL:

35+ Men's Double (75+): Lalmuanawma, MPBC & Samuel Lalnunmawia, MPBC

40+ Men's Double (85+): Lalmuanawma, MPBC & Lalrindika Ralte, MBC

35+ Mixed Double (75+): Samuel Lalnunmawia, MPBC & Lalduhzuali, DBC

55+ MD (115+): Lalthanzuala, MPBC & C.Vanlalchhuana, EBC

SILVER MEDAL:

35+ XD (75+): Zarzokima, Ralte Villa BC & Jenny Lalruatmawii Ralte, KODBA

40+ MD (85+): Joseph M. Lalrinawma & Lalthanliana, Ralte Villa BC

BRONZE MEDAL:

50+ Men's Doubles (105+): Lalthanzuala, MPBC & C. Vanlalchhuana, EBC

35+ MD (75+): Joseph M. Lalrinawma & Zarzokima, Ralte Villa BC