Aizawl: Zirtawpni kalta zan dar 8 vel khan Bagha atanga leirawhchan phura lo chho Lalchhanchhuaha chu motor inpelh chungchangah mi thenkhat ten an sawisa a, a chanchin hi hun eng emaw chen hriat a nih loh hnuin nimin zing khan dam taka hmuh leh a ni. Kolasib atanga thudawn danin Lalchhanchhuaha hian load a la a, Bagha Saiphai peng bulah an tlan laiin a hmaah Maruti 800 chu a ding tlat a, motor hi a tlan leng lo. A hnung lamah pawh motor dang an in hnawh khawm tawh bawk si a, chu chu back turin an ti a; mahse, ani hi a back ngam si lova, hei hi motor atanga pawtthla in an sawisak rawn ta niin an sawi. He thilthleng chungchangah hian Mizoram Tipper Association (Driver's & Owner's) chuan thuchhuah siamin an Member C. Lalchhanchhuaha, Bagha a Ita phur lo haw Bagha khawchhung Saiphai peng bula Trafic jam laia a motor a tanga hnukthla a thisen chhuah khawp a an nghaisa chu pawi an tiin hriatthiam har n tih thu an sawi a, tunhnu ah hetiang hi Mizo te chung ah thleng tawh lo se kan duh tak zet tih an sawi bawk. MTA chuan Dholai Police te chu an member pawi sawi lo kut thlaktute hi man chhuaka a phutawk hremna pe ngei turin an phut tih an sawi bawk.