Mizoram hmun 3 ah relkawng survey tawhAizawl: Bairabi atanga sairang inkar relkawng siam hna chu December, 2020-ah zawh hman tum a ni a. Hetih lai hian Mizoram hmun 3-ah relkawng survey hna thawh zawh tawh a ni. Km 51.38-a thui Bairabi to Sairang relkawng siam hna hi March, 2018-ah zo tura ruahman a niin a siamna atan hian Rs. Vbc 2384.34 ruahman a ni a. Rel tlan chak zawng hi darkar khata km 100-a chak (100 km/h) tur niin station pali - Hortoki, Kawnpui, Mualkhang leh Sairang awm tura tih a ni. Railway Consultant Hrangtawna hnen atanga Zalen thudawn danin June, 2018 thla tawp thleng khan earthwork-ah 75%, minor bridge-ah 54%, major bridge-ah 30%, toll bridge-ah 10% leh tunnel-ah 74% zawh tawh a ni tiin Mizoram chu ruahtui a tlak nasat avangin duh angin hna a chak thei lo niin a sawi bawk. Relkawng siamna atan hian Kolasib district-ah ram hectare 347.038 leh Aizawl district-ah hectare 80.242, a vaiin hectare 427.280 lak a ni tawh a. Sairanga station-ah quarter leh office tur ram tlema zawng lak leh tum a ni bawk. Sairang to Hmawngbuchhuah rel kawng tur pawh preliminary survey zawh a ni tawh a, sum senso atan hian Rs. Vbc 15,006.96 ruahman niin station 17 awm tura ruahman a ni. Hei bakah hian Patharkandi atanga Kanhmun pawh tur relkawng pawh survey a ni tawh a, sum senso atan Rs. Vbc 587.23 ruahman niin km 43.15 tur a ni a, station 8 awm tura tih a ni. Lalabazar to Vairengte pawh tur pawh survey neih tawh a ni a, Rs. Vbc 364.1 senna tura ruahman hi km 20-a thui tura duan a niin station 4 awm tura tih a ni.