Aizawl; Kum 5 kalta chhunga Bamboo Mission Director (SMD) hnathawhnaah ruahmanna mumal a awm lo a, zirchianna neih a ni lo a, baseline survey neih a nih loh bakah sum sawngbawl dan a mumal loh bakah Nuai 110 dawn an chan niin kan thu lakna chuan a tar lang. Mission Director chuan a hmanna lo turah sum a hmang a. 100% Central Sponsored Scheme (CSS) a nih avangin kaihhruaina in lei tura a tih ni lo bungruaah Nuai 36 a hmang a, India Forest Sports Meet te, motor lei nan tea CSS sum hman chu dan kalh a ni, a ti bawk.| 2009-14 in kara Bamboo Mission auditnaah hian Bank Account 3 (Axis ah 1; Vijaya 2) a neih a\angin sum punna Nuai 35 chuang (interest) chu cash book ah ziah luh a ni lo a, chhuizui theih mang loh Nuai 78.99 awm bawkin cash book vawn mumal a ni lo bawk. Sawrkar chuan sawifiahna siamin heng sum pek chhung a muangah Bank lam an puh. SMD leh SDA account te chu siamthat nia sawi ni mahse 2015 (March) thlengin tar lan emaw hmuh theihin pek a la ni chuang lo. Comptroller and Auditor General (CAG) thar berin a tarlan danin State Mission Director chuan Nuai 5,894.97 chu FDA 14 ah pek nia tarlan a nih laiin 2009-14 chhung khan Director atang hian Nuai 5,725.98 dawnna reciept chauh a awm a. Pek chhuahna lehkha awm lo hi Nuai 78.99 lai a ni. Thulaknain a tarlan dan chuan (2009-14) chhungin Nuai 8,298 lai sawrkar laipuiin State Mission Director account ah a thun a, 2009-10 chhung khan cash book ah opening balance tarlan a ni lo bawk a ni.