ZALEN April 5, 2026: Mizoram Rural Bank (MRB) Chairman Sheryl L.Vanchhawng chuan, “Mizoram sawrkar in Bana kaih a kalpui mekah sum pe chhuak hnem ber kan ni,” a ti.

Tun hnaia MJA hruaitute nen an inkawmnaah, “Bana kaih hnuaia dilna lut 391 atangin MRB chuan 279 kan ching fel tawh a, hemi atan hian sum pawh Rs. vaibelchhe 21 kan seng a. MRB-in Bana kaih hmanga sum kan tum hi 70% a tling a ni,” a ti. 

MRB chairman chuan rural bank chu luang chhuak tura beisei an ni ngai lo tih sawiin ram tan an hlep atangin an luang chhuak thin tih a sawi a. “RBI pawhin rural bank-te hi Corporate Social Responsibility (CSR) hmanga luang chhuak turin min ti lo a, mahse keimahni lamin luan chhuah hram kan duh vangin kan luang chhuak thin a. Sawrkar leh mipui tana tam zawk kan luan chhuah theihna turin a tam thei ang berin min dawr se kan duh,” a ti a. MRB sum chevel pawh a tam nia sawiin nikum December khan Rs. vbc 10,000 tlin pawh an lawm tawh tih a sawi.

Tun dinhmunah MRB hian Mizoram pumah branch 106 an nei mek a, thawktu hi 499 awmin tun hnaia lak thar nen mi 550 an awm tawh dawn nia thudawn a ni.