ZALEN August 5, 2026: Mizoram State Health Care Society leh Bangalore Baptist Hospital-te chuan Bangalore Baptist Hospital-ah inremna thuthlung, Memorandum of Understanding (MoU) chu H&FW Minister Lalrinpuii hmaah an sign. 

Mizoram State Healthcare Society aiawhin H&FW Comissioner & Secretary Lalzarmawii'n a sign a, Bangalore Baptist Hospital atangin Bangalore Baptist Hospital CEO Dr. Spurgeon R chuan a sign a ni.

Bangalore Baptist Hospital hi kohhran mal ta ni lo in, Vellore CMC unit a ni a. Bangalore-a Mizo hnathawk leh zirlai awm te bakah Christian ten a an pan nasat ber pawl a nih avangin he inremna pawh hi a tangkai beisei a ni.

He MoU sign naah hian Health Minister bakah Under Secretary & PS to Minister H. Lalhruaitluanga leh Bangalore Mizo Association hruaituten ten an tawiawm bawk a ni.

Ti hian tun dinhmunah Mizoram pawnah Private/Trust/Mission Hospitals 52 ten MUHCS an zawm tawh a ni.