Aizawl; November 13 tlai dar 3 vel khan Canara Bank, Kolasib Diakkawn-a manager awm thar Nimai Pramanik (53) s/o C.R. Pramanik (L) chuan Vengthar nula pakhat chu mipat hmeichhiat hmanpui tuma thlemin a hnute a khawihsak a, hei vang hian Nimai Pramanik hi man a ni. Kolasib Police te hnen atanga thudawn danin November 3 khan Canara Bank, Diakkawn atanga loan Rs. 1 lakhs beiseitu nula kum 32 mi chuan bank hi a dawr a, hemi tum hian manager thar hian, mutpuiah a thlem tawh a, November 13 tlai khan bank atang hian manager hian dawrah a len chilh a, hmeichhe chu thlem lehin a hnute ah a khawihsak/thamsak zui ta a ni. Nimai Pramanik hi hemi ni zan lamah hian man a ni a, Zirtawpni khan district jail lamah an thawn nghal a ni.