ZALEN August 29, 2026: Mizo pastor zinga Evangelism lama thawhhlawk tak Rev PC Muanthanga chu tukin zing 9:15 khan Ebenezer Hospital-ah a thi a, naktuk chhun dar 1:00-ah BCM Shalom Kohhran Biak In, Mission Vengthlang-ah vui a ni ang a, chawhma dar 11:00-ah BCM Shalom Kohhran Hall-ah thlahna neih tur a ni.

Rev. PC. Muanthanga hi 1974-ah hun puma Pathian rawngbawl turin a pên chhuak a, rawngbawlna lamah Evangelical Fellowship of India, New Delhi-ah bulṭanin, World Vision of India-ah India Hmarchhak manager hna chelhin Nagaland leh Meghalaya-ah te a awm thin a, North East India Harvest Network (NEIHN)-ah Director hna a chelh tawh a. Billy Grabam Evangelistic Association-in hnuaih “My Hope India” project tân India hmarchhak Co-ordinator hna a chelh tawh bawk. Shillong-ah hun rei tak a awm a, hetihlai hian BCM Shillong Chairman nihna pawh a chelh thin a ni.

Rev. PC. Muanthanga hi February ni 13, 1942 khân Serkawnah a piang a. Zirna lamah chuan St. Edmund’s College-ah B.A. Hons (English) zovin, Gauhati University-ah M.A. (English) leh Diploma in Journalism a zo leh a, Pathian rawngbawl tura a chhuah hnuin, Fuller School of World Mission, Pasadena, USA-ah M.A. in Missiology a zo bawk. Rawngbawl tur a chhuah hma hian Lunglei College-ah lecturer hna kum kua a thawk hman a ni.

Rev. PC Muanthanga leh a nupui Zothanpuii hian an nupa a cancer an vei hnuah, an chanchin ‘Nang I lo awm si’ tih an ziak a, hei bakah hian lehkhabu pasarih a ziak bawk.

Rev PC Muanthanga hi BCM Pastor retired Rev Dr PL Lianzuala unaupa (phirpuia) a ni a. Hla phuahthiam leh zirtirtu lar Liandala fate zinga mi a ni. Lunglei Journalist Association (MJA) dintute zinga mi niin kohhran Chanchinbu lar tak Lunglei atanga chhuak Makedonia chanchinbu kum 1972 a bul tantu (Founder editor) a ni bawk. 

Rev.PC Muanthanga hian eizawna leh Rawngbawlna hrang hrang a chelh tawh te.

1. Lecturer, Lunglei College, Mizoram.(1965-1974)

2. Communication Secretary, Evangelical fellowship ( 1978-1986)

3. Regional Manager, World Vision of India(1986-1994)

4. Director,Northeast India Harvest Network (1994-till date)

Rawngbawlna lam a chelhna:--

1. Secretary,Gauhati Christian Fellowship (1967-1968)

2. Founder Editor Makedonia (1972 April onwards)

3. Editor,AIIM magazine New Delhi (1978-1980)

4. Founder member & Treasurer, NEIDAC (2000-till date)

5. Founder Member & Secretary,NECTAR (2001-till date)

6. Founder Secretary,Council Of Mizo Church,Shillong as Leader.

7. DAWN Representative, Northeast India (2000-till date)

8. BWA Church Renewal Work Group & BWA Church Leadership Commission Member (2000-till date)

9. Chairman Nepali Joint Action Committee.

10. Member Of South East Asia Network (2000-till date)

11. Regional Representative National Prayer Network (2000)

12. Vice Chairman Union College Board (two term)

13. Regional Director, MY HOPE INDIA.

14. President & Secretary, United Baptist Fellowship, Shillong.