DOWNLOAD OUR APP

Read latest news on your phone
app-store

Barcelona zin kawng daltu Frankfurt

Apr 15, 2022

Kar hmasa khan Germany lamah first leg khelin 1-1 in an inhnehtawk a, away lama khel an nih vangin Xavi leh a naute hian an home ground, Camp Nou-ah chuan German team Eintracht Frankfurt hi hneh letin semi-final an luh ngei ring an tam hle awm e. Mahse, football game chu sawi lawk ngawt theih a ni lo, Frankfurt lakah 3-2 a tlawmin Europa League semi-final an lut phak lo. 

Kar hmasa khan Germany lamah first leg khelin 1-1 in an inhnehtawk a, away lama khel an nih vangin Xavi leh a naute hian an home ground, Camp Nou-ah chuan German team Eintracht Frankfurt hi hneh letin semi-final an luh ngei ring an tam hle awm e. Mahse, football game chu sawi lawk ngawt theih a ni lo, Frankfurt lakah 3-2 a tlawmin Europa League semi-final an lut phak lo. (Agg 3-4)

Xavi leh a naute beisei loh takin Camp Nou lamah Frankfurt tantu mi 20000 zet an pung khawm a, chu chuan inkhelh boruak thlengin a nghawng danglam. Semi-final-a West Ham United hmachhawt tur zawnnaah Barcelona-in an ropuina lan tir zo lovin Bundesliga lama pakuana hauh phak hram Frankfurt an chungnung zawk. 

Inkhelh atanga mintute 4 lekah Eric Garcia chuan penalty a chawi hlauh a, Frankfurt tan Filip Kostic pen chhuakin goal-ah a chan tir. Half time hma minute 36-ah Barcelona tal buai lai nangchingin Rafael Borre an hmunawl zau tak a hmu a, chu hun tha chu hmang tangkaiin mikhual tan an goal hnihna a khung. Chak mamawh Barcelona lamin ball thunun zawk mahse, an duh ber goal an khung thei tlat lo. Barca lamin si hnih phur chungin chawlh an hmang. 

Kostic bawk rawn che lehin, Serbian international hian defence bawra an ball in pek sual la fuhin a goal hnihna leh Frankfurt tana goal thumna chu second-half minute 67-ah a thun leh. Barca tan Sergio Busquets chuan added time-ah an goal khatna a rawn thun ve a, a hnu injury time 90+11 ah penalty hlawh chhuak leh hlauh a, Depay chuan goal-ah a chantir a, he inkhelhah hian Barca hian ball possession 75% zet chang chungin goal an khung thei lo. Barca lam hian an ball chan chu goal a shot mai an harsat a, ball chang tam hle siin shot 10 chiah an neih laiin 25% ball chang Frankfurt lamin goal shot tum 15 zet an nei thung.

Line-ups
Barcelona XI: Aubameyang, Alba, Busquets, Ter Stegen, Dembele, Ferran Torres, Ronald Araujo, Eric Garcia, Óscar Mingueza, Pedri, Gavi
Subs: Luuk de Jong, Neto, Braithwaite, Depay, Lenglet, Traore, De Jong, Dest, Arnau Tenas, Riqui Puig, Nico González, Álex Baldé

Frankfurt XI: Rode, Trapp, Hinteregger, Kostic, A. Toure, Borré, Kamada, K. Jakić, N'Dicka, J. Lindstrøm, A. Knauff
Subs: Hasebe, J. Grahl, Chandler, Goncalo, Da Costa, C. Lenz, A. Hrustic, S. Lammers, Barkok, Jens Petter Hauge, R. Ache, J. Horz

Share now