Aizawl: Mizoram Pollution Control Board chuan tunhnai khan Aizawl khawpui chhunga damdawiin hrang hrang neitute chu State Guest ah kokhawmin damdâwi in bawlhhlawh sawngbâwl dân thar (Bio-Medical Waste Management Rules 2016) chungchang an hrilh fiah. Dan thar inzirtirna hun ah hian MPCB thawktu ten bia medical waste chungchanga hmâ an lâk tawh dân leh an hmalâk mêkna te an sawi. Dânin a phût anga damdawi in leh a kaihhnawih Health Care Facilities (HCFs)-te kalpui a tûlzia leh dân zâwm lote hremna chungchangte inhrilhfiahin tha thara ngaihtuahna sên a tûlzia an sawi ho a, harsatna lian ber damdawi in bawlhhlawh a huhoa sawngbawlna tur Common Bio-medical Waste Treatment Facility (CBMWTF) awm tura thuneitute kaihharh a tûlzia an sawi a, hmalâk ho zel dan tur an sawi bawk. He sawihona hunah hian damdawi in hrang hrang atangin mi 42 an kal khâwm a ni.