Aizawl: Mizoram Sanitation Task Force hmalaknain Zirtawpni khan khan Aijal Club-ah bawlhhlawh tawih thei leh tawih thei lo thliar hran chungchanga hmalak tawhna thlirletna meeting neih a ni. Review meeting-ah hian Aizawl veng hrang hrang atangin Local Supervisor (Local Council member) leh Sanitation Task Force member pakhat theuh an tel a, House to House Campaign neih meka hmasawnna leh hmalak zel dan tur sawiho a ni. He hmalakna hi February ni 1, 2017 atanga kalpui a ni a, chhungkaw tin ten felfai taka bawlhhlawh an thliar hran theih nan in tinah booklet semin hmalak mek a ni. ZD Lalrotluanga, EE, SIPMIU chuan bawlhhlawh sawngbawlna hmun tur Landfill site, Tuirial a buatsaih mek report a pe a, a bika siam bawlhhlawh paih tur motor pawh tun atanga reiloteah peihfel a nih tur thu a tarlang bawk.