ZALEN Oct. 13, 2025 : KṬP, Zotlang Branch (Aizawl) hmingchhal a biak in sak tanpuina atana sumtuakna anga bawnghnute thianghlim tawk lo leh hlui zuar thin an awm nia hriat a ni.

KṬP, Zotlang Branch in ngenna leh hriattirna an tihchhuaha an tarlan danin, he thil hi inbumna niin, Branch KṬP in kuminah sumtuak nan bawnghnute a zuar lo a, he thil thleng hi Branch KṬP chuan pawi a ti hle a, bawnghnute lo lei te hriatthiamna leh ngaihdamna an dil.

"Hetiang ang thil thleng mek hi min lo hriatsak turin mipuite kan ngen a, hetiang anga hma lo la ten Pathian awmpuina leh kaihhruaina a eizawnna thianghlim zawk an lo neih ngei theih nan i tawngtaipui ang u," tiin ngenna an siamah an tarlang.

#ZalenNews