August 1, 2023; Revenue minister Lalruatkima'n Bawngkawn Brigade phase 1 chu restriction hlih a ni tawh tih sawiin, helai hmuna cheng te hnen a pass pekna turin chak taka hmalak a ni tih a sawi.   

Vawiin a Aizawl press club a thuthar thehdarhtute a kawmna ah Revenue minister chuan, Bawngkawn Brigade Phase-I area chu restrict reng a ni tih sawiin, restrict a nih avangin helai hmun a cheng te hian pass neih emaw thil dang emaw ah harsatna an tawk thin niin a sawi. "Hei hi sorkar chuan hriatthiam puiin restriction hi a hlip tawh a, helai hmuna chengte hnenah hian pass pekna tur chak takin
hma lak zel a ni," a ti.

Lalruatkima chuan Assam Rifles te awmna hmuna LSC nei sawrkarin show cause notice a pek te zingah court a kal an awm tih sawiin inthlan hma in cancel sak vek an nih a beisei tih a sawi bawk.