5.4.2022; Bawngkawn police te chuan mobile dawr rawktu an man, Churachanpur lam mi chu thu an zawhfiah hnuah April 4, 2022 khan Central jail ah dahluh a ni.

Bawngkawn police station team-te chuan an thudawn bawhzuiin, April 1, 2022 zan khan Thangngaihpianga (22) s/o Lamkhankhup, Churachanpur, Manipur, Bungbangla a cheng mek chu man in a kut atang hian Mobile Handsets chi hrang hrang sawmli paruk (46), Rs. 9,68,470/- man hu leh pawisa fai Rs. 2,36,590/-, RC Mobiworld Store, Bawngkawn atanga a ruk chu an mansak a ni. Hetiang mobile set dawr rawkna dangah pawh a inrawlh rin niin he thil hi chhui chian chhunzawm nghal mek a ni.

ZALEN thudawn danin, mobile zawrhna dawr rawktu hian bathroom a boruak chhuahna leh eng luhna tur an tihpawp chu tihchhiat belhin, chuta tang chuan dawr chhungah a lut a, mobile a hmuh ang angte lain, dawra pawisa an dahte a la bawk a, bungraw dang tihchhiat erawh a neilo nia hriat a ni.