ZALEN Dec. 10. 2024; ; Aizawl khawpui chhung a traffic duty point hrang hrang zinga duty hautakna ber nia ngaih, Bawngkawn, Sairang road junction a duty na hmun chu tih tet mek a ni.

Bawngkawn, Sairang road peng a traffic police duty te dinna hmun hi a tir atangin lian tha taka siam kual a ni a, hei hi a lian mah mah tia sawisel tawk pawh an lo awm tawh thin.

Bawngkawn point hi kawngpui pengthuam tamna hmun a nih vangte, lirthei ke pahnih nei atanga a lian ber thlengin an zawh tam avangin, zan lam thlengin duty a buaithlak thin nia thudawn a ni a, indaih pawh a ngai thin nia thudawn a ni.

Traffic duty thenkhatte chuan kan khawpui mil aia tam lirthei a awm tawh nia a lan avangin khawi hmunah pawh duty hrim hrim chu ngawrh a ngai niin an sawi a. Kawngpui peng thuam lian lai ah te, a bikin peak hour ah te phei chuan khawi hmunah mah inthlahdah hman a ni lo tih an sawi.