Liverpool atanga Sadio Mane-a'n Bayern Munich a zawm hnuah Leroy Sane chuan a lo hak thin jersey number 10 chu a pa ngenna vangin a kian dawn. Germany international Sane hian 2020 khan Manchester City atangin Bayern hi a zawm a, a zawm tirh atangin jersey no 10 hi a ha nghal a, tun thlengin a la hak chhunzawm. 

Liverpool atanga £35.1million senga an lak luh Sadio Mane chuan jersey no 10 chu a rawn hauh ve ta chat mai le. Mane hian Anfield leh Senegal tana international a khelh apiangin no 10 hi a ha ziah thin a ni. 

Leroy Sane-a pa chuan Radio Futurs Medias hnenah,"Bayern lama ka fapain a hak thin no 10 hi, Sadio Mane an Liverpool leh national team lama a larpui tawh a ni a, Sadio hian number 10 hi hak a duh a nih chuan ka fapa hian a kian thei ang. Leroy-a tan he number ken hi harsatna a awm hran lo ve," tiin a sawi.