Bayern Munich lama Sadio Mane hralh turin Liverpool chuan £35m pawm
![](/storage/news/post/aHQOivMOkVKdb43UVnHuweapdsbLMlNL6Z0yLImz.jpg)
Liverpool chuan Bayern Munich hnena Sadio Mane hralh an remti ta a, a manah £35m an pawm. Bayern lam hian £27.5m an pe hmasa phawt ang a, a khelh that dan a zinrin pound mtd 5 dang chu an pe leh ang. Hei bakah hian Bundesliga club hian amah leh team hlawhtlin dan a zirin £2.5m an pek belh leh bawk dawn a ni.
An inrem dan chuan, Sadio Mane-a man hi Liverpool chuan £31 million bakah add-ons atangin £2.5 million an dawng dawn tihna a ni. A khelhna hmasa Southampton kha chuan a man bak hi pawisa dang hmuh an nei lo thung. Season ruk chhung Reds tana a khelh chhung khan Mane avang hian malsawmna tam tak an dawng tih chu an mahni bawkin an chiang hle ang le.
Liverpool hian an forward hi an mahmawhin an tangkaipui hle tih an hria a, a aiawh turin Diogo Jota, Luis Diaz leh Nunez te an melh nghal a, anni hian Mane-a hmun ruak hi hnawh khat zo tak maw?
Bayern hian Senegal international lak tuma Liverpool an dawr kawngah hian an hlauthawng lo hle niin a hriat a, achhan pawh amah Mane-a berin chhuah a duh miau vang niin a lang. Bundesliga club lian hian Liverpool midfielder Thiago chu £20m leh a khelh that dana £5m pek belh turin an dawn hmasa ngial a, mahse an hlawhtling zo lo a nih hmel.
Sky Sports pundit Jamie Carragher chuan tweeter lamah,"Tun era a ka LFC player duh ber Sadio Mane chu hmun dangah a kal dawn ta a, enkawl hautak lo thiam bawk si, inhliam ve ngai lo goal thun thei tak leh trophy-in a um mihring hi Liverpool Legend dik tak a ni. Sadio ka lawm e," tiin a ui thu a ziak chhuak hial a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024