Aizawl February 11, 2023: : Chief Minister Zoramthanga chu a pisa ah vawiin khan Bureau of Civil Aviation Security (BCAS) Director General Zulfiqar Hasan leh amah tawiawmtuten an kawm a, Lengpui Airport security chungchanga civil flight himna atana zawm tur leh ruahmanna an duan te an sawiho.

Bureau of Civil Aviation Security hi Ministry of Civil Aviation hnuaia department pakhat niin, India ram chunga domestic leh international airport a civil flight himna atan hma latu an ni. Vawiina Chief Minister nen an inkawmnaah BCAS Director General chuan Mizoram chu state ralmuang leh him tak a ni chu vannei a tih thu a sawi a. Chutihrual chuan venhimna pawimawhna leh BCAS in civil flight himna atana zawm tur leh ruahmanna an duan te Chief Minister hi a sawipui a ni.

Chief Minister Zoramthanga chuan BCAS hmalakna leh Lengpui Aiport atana ruahmanna an hlen thenkhat te chu tha tiin, state ralmuang taka awm ni mah ila venhimna thlahthlam a nih loh tur thu a sawi a. A tul angin thawktu training pek te, security kaihhnawh a hmalakna ngai hrang hrangte chu a kaihhnawih department te nen inrawn in hmalak zel a nih tur thu a sawi a ni.