October 9, 2023; Election Commission of India (ECI) in Mizoram Legislative Assembly inthlan hun atan November ni 7, 2023, Thawhlehni a ruat a, vote chhiar ni tur atana ruat, December ni 3 chu Kristian te ni pawimawh Pathianni (Sunday) a ni.

ECI hian inthlan hun tur hi vawiin chhun dar 12 khan a puang a, Mizoram rualin state dang 4 te inthlan hun tur pawh a puang tel.

ECI ruahman danin, October ni 20 thleng nomimation thehluh theih a ni ang a, November ni 7 ah vote thlakin, December ni 3 ah vote chhiar a ni ang a, December ni 5 ah inthlan kaihhnawih te zawh fel tur a ni.

Kum 2018 MLA inthlan hun kha October ni 6 (Inrinni) ah puan niin, November ni 28, 2018 (Nilaini) ah vote thlak a ni a, December ni 11, 2018 (Thawhlehni) ah vote chhiar a ni.

2018 inthlan ah khan candidate 209 awmin, chung zinga 191 te chu mipa niin, hmeichhe candidate 18 an awm a, hmeichhe tling erawh an awm lo.