Khawthlang milarte nun dan khu chu Mizo society nen chuan a inpersan thin khawp mai - American actor Ben Affleck chuan film a siam dawn a, a changtu tur zingah a nupui hlui Jennifer Garner a tel dawn! Ben Affleck leh Jennifer Garner te hi kum 2005 khan inneiin, kum 15 chuang an inneih hnuah 2018 khan an inthen. Hemi hnu hian Ben Affleck hian a 'ex' tho Jennifer Lopez lam a hawi leh ngha a, kum 2022 khan an innei leh nghe nghe. 

Hetiang boruak karah hian Ben Affleck hian a nupui hlui Jennifer Garner a thawhpui dawn a, Jennifer Lopez tan ngaihtha taka awm hle hle a harsa mai thei. 

Kum 51 mi Ben Affleck hian Netflix film pakhat 'Animals' a direct dawn a, a changtu tur lam pawh an tifel chho mek. He crime thriller film-a chang tur zingah Garner hming a lan avang hian boruak a awm nghal hat a, thu mu hnu kaihthawh tharin a awm leh mek. He film-ah hian Matt Damon a chang dawn a, Garner nen hian an changdun dawn a ni - an tihchhuah hun tur erawh tarlan a la ni lo.