James Bond movie thar ber, ‘No time to die’-a Bnad-a thawhpui lema chang, Lashana Lynch hi British lemchng thiam a ni a. Hriat a hlawhna ber chu Rosaline Capulet-i lemah ABC period drama series ‘Still Star-Crossed’ (2017)-a a channa kha a ni a. Hemi hnuah hian fighter pilot Maria Rambeau-i lemah ‘Captain Marvel’ (2019)-ah a chang tawh bawk a, fak a hlawh hle a. ‘No Time to Die’-ah hian Nomi lemah a chang thung.

Lynch-i hi November 27, 1987 khan Hammersmith, London-ah a piang a, Jamaican lam chhul chhuak a ni a. ArtsEd drama school, London a\anga inzir chhuak a ni.

Lynch-i hi film-a a lan hmasak ber chu kum 2012-a drama film siam, ‘Fast Girls’ kha a ni a, 2012 Cannes Film Festival khan pho chhuah a ni a. Hetah hian World Athletics Championships-a tel tur British team zinga intlansiak thei lemah a chang a. A hnuah BBC television film ‘The 7.39’-ah David Morrissey, Olivia Colman leh Sheridan Smith te nen an chang zui bawk.

Television lamah ‘Silent Witness’ leh ‘Death in Paradise’-ah a chang bawk a. Short-lived BBC comedy ‘Crims’-ah kum 2015 khan a inlan nasa hle bawk.

Kum 2015 vek khan Lenny Henry nen Chichester Festival Theatre-in an tihchhuah, ‘Educating Rita by Willy Russell’-ah an chang dun a, hei hi Minerva Theatre-ah June 18 leh July 25 khan an chang \hin a. Guardian chanchinbu pawhin nasa takin a fak a ni.

Kum 2016 khan Lynch-i hi American period drama series ‘Still Star-Crossed’-ah Rosaline Capulet-i lemah a chang a, hei hi Shonda Rhimes-i siam a ni a, a larpui hle a ni.

Kum 2018 khan ‘Y: The Last Man’-ah Agent 355 lemah a chang bawk a; mahse, a hnuah Ashley Romans chuan main series-ah a thlak daih thung.

Kum 2019 khan Maria Rambeau-i lemah Marvel Cinematic Universe film siam, ‘Captain Marvel’-ah a chang a. Air Force pilot lem a ni a, fa Monica Rambeau a nei bawk a, a fanu hi MCU-ah hian chanpual pawimawh tak a nei zui zel bawk ang.

Hetih rual hian British science fiction comedy ‘The Intergalactic Adventures of Max Cloud’-ah Scott Adkins leh John Hannah te nen an chang bawk.

Nikum khan Black Women in Hollywood Awards-ah Niecy Nash leh Melina Matsoukas te nen chawimawina an dawng a. Kuminah hian Nomi lemah 007 agent thar angin a chang a, a changtupa, Daniel Craig-a a chawlh avangin 007 agent angin a chang vel a ni.