Mason Tony Mount hi January 1999 a piang niin English professional footballer lar tak a ni a. Striker leh central midfielder niin Premier League club Chelsea tan a khel thin a, England national team tan a khel bawk a ni. Player naupang zinga thiam ber pawla ngaih a ni.

Mason Mount hian senior club Chelsea atangin bul a tan a chumi hnuah Vitesse leh Derby County ah 2017 leh 2019 inkarah loan in a kual zak zak a. Hemi hnu kum hian a dinhmun sawh nghetin Chelsea tan khelh chhunzawmin UEFA Champion League leh UEFA Super Cup 2021 ah hriat hlawh phain a che tha bawk a ni.

Mount hian UEFA European Under-19 Championship ah England national U-19 chu 2017 khan 1-naah a vawrh bawk a. Kum 2019 khan kum 20 mi chauh  niin  UEFA Euro 2020 ah England team tan a khel bawk a ni.

December, 2021 khan Mount hi Chelsea player naupang zinga goal  a zawna vawi 4 thun thei a ni a. He Premier League ah hian che tha hlein Watford leh West Haam chu goal thun leh goal siamin a kar tawn zak zak bawk a, home ah Leeds United leh Everton lakah goal a thun leh bawk a ni. December ni 16 khan kum 22 mi chauh niin Mount hian Chelsea player naupang ber Premier League goal 20 thun thei record a siam bawk a. Goal 4 a thun vang leh goal thun tura a siam nalh (goal assist) 3 vangin Player of the month leh Goal of the month atan vawrh chhuah a ni tawh bawk.