DOWNLOAD OUR APP

Read latest news on your phone
app-store
Benzama nilo 2022 Ballon d’Or dawng thei player 5
May 01, 2022

Karim Benzema hi football fan thahnem tak chuan 2022 Ballon d'Or dawng ngei turah an ngai ngei ang. Real Madrid striker aia Ballon d'Or dawng awm leh phu tak tak player dang panga an awm a sin. 


    2021 Ballon d'Or thlannaah khan Karim Benzema hian palina a hauh phak hram a, football khawvel-a mimal chawimawina sang ber Ballon d'Or hi a la dawng ve ngai lo va, mah se he chawimawina dawng tur hian kumin hi Benzema tan hun tha tak a nih hmel. French striker hi tunlai chu a khel tha thei hle a, ram leh club tan mual chhunga a khawsak dan en hi chuan 2022 Ballon d'Or hi dawng se a awm lo hran lovang. 
   

2022 Ballon d'Or sem huna Karim Benzema nilo dawng thei player dang panga te chanchin i han thlir thuak teh ang:

#5 Sadio Mane (Senegal/Liverpool)
    Sadio Mane hi tun season chu a chetha hle a. Liverpool forward hi 2020-21 season chhung pawh khan a chetha hle tawh a, kumin kumtir khan Senegalese national team chu AFCON-ah a champion pui nghe nghe a nih kha. Tin, Mane hian Liverpool chu  League Cup a chawipui bawk. Tunah hian FA Cup final-ah lut tawhin UEFA Champions League semi-final first leg an khelh tawhah final lut turin an dinhmun a tha hle bawk.
    Mane hian Merseysider tan tun season-ah inkhelh tum 43 hmachhawn tawhin goal 19 a thun tawh bawk. 

#4 Kevin De Bruyne (Belgium/Manchester City)
    Kevin De Bruyne hi hnial rual lohin tun season chhunga Manchester City player chetha ber a ni a, Pep Guardiola-a hnuaiah world-class a nih zia a lantir tam tawh hle a. De Bruyne hi tunlai midfielder tha ber tia sawi ngam niin goal thun lamah a thawh hlawk hle bawk. 
    Manchester City hi tunah Premier League hmahruaitu anni mek a, inkhelh vawi 5 chiah awm tawhah hian an chesual hle a nih loh chuan an champion theih mai a rinawm. UCL semi-final-ah City-in Real Madrid 4-3 a an hneh tumin De Bruyne hian goal a khung bakah assist a nei. Tun season hian Man City tan game 40 khel tawhin goal 15 a thun tawh a, assist 12 a nei bawk. 

#3 Robert Lewandowski (Poland/Bayern Munich)
    Robert Lewandowski hi 2020 Ballon d'Or dawng tura rinkai ber a ni a, vanduai thlak takin hemi kum hian Covid-19 hri leng vangin sem a ni lo. Nikum an sem tum pawhin dawng thei tur an chhawp chhuah zingah Lionel Messi chiah tluk lovin pahnihna a ni.
    A khelhna club Bayern Munich chu Champions League lamah beisei loh takin Villarreal-in an hnawt chhuak a, Lewandowski-a Ballon d'Or dawn theihna chance pawh tlemin a tlak hniam phah deuh. Mahse, Bundesliga title erawh an lak ngei hmel tho avangin Poland international tan hian chance chhete chu a awm ve awm e. 
    Kum 33 mi hian game 43 khelhah goal 48 zet tun season chhungin a nei tawh. 

#2 Kylian Mbappe (France/Paris Saint-Germain)
    Kylian Mbappe hi mimal chawimawina dawng thei tur zinga mipui vote hip tam ber zinga mi a ni mek. Ligue 1 title an chawi theihna kawnga thawhhlawk ber pakhat a ni a, Ballon d'Or pawh hi dawng se a awm lo hran lo.  
    Paris Saint-Germain tan tun season-ah a chetha hle a, game 42 a khelh tawhah goal 33 zet thun tawhin assist 22 a nei a ni. Kum 23 mi hian tun season tawp hian a club khelh mekna French club lian PSG hi a chhuahsan maithei bawk. 

#1 Mohamed Salah (Egypt/Liverpool)
    Mohamed Salah hi kumin chhunga Liverpool player chetha ber a ni hial awm e. Egyptian international hi Jurgen Klopp-a hnuaiah dan thei rual loh khawpa thain a khel a, right wing hlauhawm ber a ni mek. Amah avang hian Europe-ah Liverpool hi hmatawng nei hlauhawm ber pawl a sawi an ni. 
    Salah hian tun season-ah inkhelh vawi 43 hmachhawn tawhin goal 30 zet a thun tawh a, assist 13 a nei tawh bawk. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh