ZALEN Sept. 30, 2024; Tourism department-in Excellent Award 2024 a sema, best Two Wheeler Taxi award dawngtu, C. Vanlalruata (24), Aizawl Venglai chuan a phu loh malsawmna a nih thu a sawi.

ZALEN-in a biakna-ah C Vanlalruata chuan Two Wheeler Taxi chu kum 2019 kumtawp atangin a khalh tan tih a sawi a, eizawn nan ber a hmang mek tih a sawi. "Award dawng turin tehfung hrang hrang a awm a, chungah chuan kan hruaituten tlingah min lo ngai ve a, award hi ka dawn theih phah a, ka lawm khawp mai," tiin a sawi.

Tourism department-in Excellent Award 2024 a sem thinah hian kumin atangin Two Wheeler Taxi category hi telh a ni a, C. Vanlalruata, Aizawl Venglai Best Two Wheeler Taxi Award dawng thei hmasa ber a ni.